მაცივრის მაგნიტი

მაცივრის მაგნიტები ერთგვარ ტენდენციად იქცა, ძნელად თუ ნახავთ სამზარეულოს, სადაც მაცივარს სხვადასხვაგვარი მაგნიტები არ ამშვენებდეს. თუ თქვენც იმ დისახლისების რიცხვს მიეკუთვენებით, ვისაც იტაცებს მსგავსი სუვენირები, გთავაზობთ ის საკუთარი ხელით და გემოვნებით დაამზადოთ. ამაში ერთ-ერთი უცხოური საიტის რჩევებს მოვიშველიებ.

ერთ-ერთ წინა ნომერში საზაფხულო მოგონებების “დაკონსერვებას” გირჩევდით, რაშიც დასვენების დროს შეგროვილი სხვადასხვა ლამაზი, მაგრამ რეალურად უსარგებლო ნივთი უნდა დაგხმარებიდათ. მეთოდი იგივეა, ანუ დაგჭირდებათ ზაფხულში სეგროვილი წვრილმანები – ნიჯარები, გირჩები, ლამაზი კენჭები, ხმელი ყვავილები და ა.შ. ასევე, მაკრატელი და ორმაგი “სკოჩი”, რომლის შეძენა საკანცელარიო მაღაზიებში შეგიძლიათ. აუცილებლად დაგჭირდებათ ძველი, გამოუსადეგერი მაგნიტიც. მას შემდეგ, რაც საჭირო “ხელსაწყოებს”/ნივთებს მოამზადებთ, მაგნიტის ერთ მხარეს კარგად და ყურადღებით მიაკარით ორმაგი “სკოჩი”, რათა არ აძვრეს და კუთხეებზეც ზედმეტი არ იყოს. შემდეგ კი “სკოჩზე” თქვენი სუვენირები უნდა მოათავსოთ, ჯერ შედარებით მოზრდილები და შემდეგ პატარები. დასაწყისისთვის მაგრად ნუ დააწებებთ, რათა თუ შემდგომ დიზაინის შეცვლის სურვილი გაგიჩნდებათ, მარტივად შეძლოთ მათი გადაადგილება. მას შემდეგ, რაც მაგნიტზე ახალი ნივთების დასამატებელი ადგილი აღარ დარჩება და კომპოზიციით კმაყოფილი იქნებით, დარჩენილი პატარ-პატარა ცარიელი ადგილები მშრალი და სუფთა ქვიშით ამოავსეთ.

დასასრულს, უკვე მყარად დაწებებული მაგნიტი გადაატრიალეთ და დავცვივდება ქვიშის ზედმეტი ნაწილი. თქვენი მაცივრის მაგნიტიც მზადაა, ისღა დაგრჩენიათ, შეარჩიოთ მაცივარზე ადგილი, სადაც მას მოათავსებთ.

Read more »

მოხდენილი სიარული

ლამაზად სიარული ყველა ქალს არ შეუძლია. როგორი ლამაზიც არ უნდა იყოს ქალი და კარგად გამოიყურებოდეს, თუ “შპილკებზე” ძლივს დგას და სიარულიც უჭირს, არც ისე კარგი შთაბეჭდილება შეგვექმნება მასზე. მოდელების სიარულის მანერა იდეალურად მიიჩნევა, მაგრამ ჩვეულებრივი მოკვდავისთვის საკმაოდ რთულად ასათვისებელია, ამიტომ უკეთესია იგი პოდიუმს დავუთმოთ და ჩვენ რამდენიმე უბრალო რჩევა გავითვალისწინოთ.

სიარულისას თავი ოდნავ წამოწეული უნდა იყოს, ნიკაპის ხაზი _ მიწის პარალელური. მზერა ოდნავ ზემოთ უნდა იყოს მიმართული, მაგრამ მეტისმეტად თავაწეულებმაც არ უნდა იაროთ. ხშირად თავდახრილები დადიან, მოტივად კი იმას ასახელებენ, რომ გზას უყურებენ და სიფრთხილეს იჩენენ, მაგრამ წინ თუ გავიხედავთ, საფრთხეს მანამდე დავინახავთ, სანამ მივუახლოვდებით. ამიტომ, უმჯობესია ცოტა თავაწეული ვიაროთ.

არანაკლებ მნიშვნელოვანია ნაბიჯების სიგრძ, მეტისმეტად დიდი ნაბიჯები უხეში და უფრო მამაკაცურია, ამიტომ უმჯობესია შეამციროთ ისინი. თუმცა, ძალიან მოკლე ნაბიჯები არაბუნებრივია.

სიარულისას ხელები არ უნდა `ეკიდოს” უძრავად, მაგრამ არც ხელების ქნევაა ლამაზი. აიღეთ ხელი მიწის პარალელურად, ისე, რომ 90-გრადუსიანი კუთხე შეიქმნას, ჩამოსწიეთ ზუსტად ნახევარზე და მერე კიდევ ნახევარზე. ასე დაახლოებით 20-გრადუსიან კუთხეს მიიღებთ, სწორედ ეს არის დასაშვები ზომა ხელების წინ და უკან `საქნევად”.

მსუბუქად უნდა დადიოდეთ, რისთვისაც აუცილებელია კომფორტული ფეხსაცმელი. ქალების უმეტესობა მაღალქუსლიან ფეხსაცმელს ანიჭებს უპირატესობას _ ლამაზია, ქალური, სექსუალური და ა.შ. თუმცა ყველას არ შეუძლია ატაროს ასეთი ფეხსაცმელი, არც მათი ხშირად ტარება ღირს _ ჯანმრთელობასთან დაკავშირებული უამრავი პრობლემა შეიძლება შეგექმნათ. მაღალქუსლიანი ფეხსაცმლის ტარებისას ჯერ ქუსლს უნდა დააწვეთ და ნელა გადაიტანოთ მთელი სხეული წინ, ნახევრად მოხრილი მუხლებით რომ არ იაროთ. მნიშვნელოვანია ისიც, როგორ დადგამთ ფეხს _ ტერფის წინა ნაწილები შიდა მხარეს არ უნდა იყოს მიმართული, მაგრამ არც ძალიან გარეთ, როგორც საბალეტო პოზიცია.

ამბობენ, რომ ლამაზი სიარულის მანერა მეცნიერებაა, მაგრამ არც ისე რთული და მისი შესწავლა ყველა ქალს შეუძლია.

Read more »