საქორწინო ფეხსაცმელი

ყველა გოგონა ოცნებობს იმ დღეზე, როცა თავისი ოცნების სადედოფლო კაბას მოირგებს. იმისათვის, რომ ქორწინების ცერემონიამ ყოველგვარი ხარვეზის გარეშე ჩაიაროს, აუცილებელია ყველა დეტალი იდეალურად იყოს გათვლილი.

ჩვენი დღევანდელი რჩევები პატარძლის საქორწინო ფეხსაცმელს შეეხება. ქორწილის დღეს პატარძალს უამრავი რამის კეთება უწევს, ყველაზე მცირე დისკომფორტსაც კი შეუძლია მთელი დღე ჯოჯოხეთად აქციოს, ამიტომ ამ დღისთვის განსაკუთრებით კომფორტული ფეხსაცმელი უნდა შევარჩიოთ.

ის, რომ ფეხსაცმელი ნატურალური ტყავისა ან ნებისმიერი სხვა ხარისხიანი მატერიისგან უნდა იყოს დამზადებული და აბსოლუტურად უნდა ეხამებოდეს სადედოფლო კაბას, ისედაც ცხადია. იგი ასევე მსუბუქიც უნდა იყოს და თუ ქართულ "ცეკვა–მუსიკა" ქორწილებს გავითვალისწინებთ, ფეხსაცმელს ძირი აუცილებლად დრეკადი უნდა ჰქონდეს.

დიდი ყურადღება მიაქციეთ ფეხსაცმლის ქუსლს, როგორც წესი სადედოფლო კაბებისთვის მაღალქუსლიან ფეხსაცმელს არჩევენ, თქვენ კი უნდა ეცადოთ, რომ მაღალი ქუსლი, რაც შეიძლება მყარი და მდგრადი იყოს. თავი აარიდეთ ე.წ. "შპილკა" ქუსლებს ან სათადარიგოდ აუცილებლად იქონიეთ ფეხსაცმელი უფრო დაბალი ქუსლით.

ქორწინების ცერემონიამდე აუცილებლად გაიარეთ სიარულის რეპეტიცია სახლში და დარწმუნდით იმაში, რომ თქვენ ამ ფეხსაცმელში თავს კომფორტულად გრძნობთ და ცხოვრების ყველაზე მნიშვნელოვან დღეს თქვენი სიარულის მანერაც ჰაეროვანი და მომაჯადოვებელი იქნება.

Read more »

პომადის შერჩევა

პომადა ქალის სახეზე ყველაზე მნიშვნელოვანი კონტურია. სამწუხაროდ ქალების უმეტესობა ფიქრობს, რომ პომადის წასმა მისი მხოლოდ კოლოფიდან ამოღებას და ტუჩზე გადასმას ნიშნავს, რაც დიდი შეცდომაა. პომადის შერჩევისას აუცილებლად უნდა გაითვალისწინოთ თქვენი ასაკი, თმის, კანისა და კბილების ფერი. რჩევები, რომლებიც სხვადასხვა ჟურნალებსა და ვებგვერდებზე დავძებნე, დაგეხმარებათ პომადის სწორად შერჩევაში.

პომადის შერჩევისას მნიშვნელოვანია კანის ფერის გათვალისწინება, მუქი ფერის კანს უხდება შოკოლადისფერი, ღვინისფერი, წითელი და ქლიავისფერი (იასამნისფერი, მოწითალო ფერი); ღია ფერის კანს _ კრემისფერი, ღია მარჯნისფერი, ღია ვარდისფერი. საერთოდ, თბილი ფერის (ხორბლისფერი, ატმისფერი და სპილოს ძვლისფერი) მქონე კანს, ასევე თბილი ფერის პომადა უნდა შეუხამოთ, ხოლო ცივი ფერის მქონე კანს _ ცივი ტონალობის პომადები.

ასევე მნიშვნელოვანია თმის ფერიც – ქერა, ლურჯ ან მწვანეთვალება ქალებს, ღია ფერის კანით – ვარდისფერი ყველა ტონალობის, ქლიავისფერი და მარჯნისფერი პომადა მოუხდებათ. თაფლისფერთვალება ქერა ქალებს ნაზი ვარდისფერი და წითელი ფერის პომადა დაშვენდებათ და რა თქმა უნდა, მათ თავი უნდა შეიკავონ მყვირალა ფერების პომადებისგან – ქერა თმებთან, ეს ვულგარული და ზედმეტად გამომწვევია.

ჟღალი ფერის თმის მქონე ქალებს ქლიავისფერი, მუქი ლურჯი, ყავისფერი და მარჯნისფერი უხდებათ. თავი შეიკავეთ მაგარი ვარდისფერისა და ნარინჯისფერისაგან.

წაბლისფერთმიან ქალბატონებს, მოთეთრო-მოვარდისფრო კანით – ვარდისფერი, იისფერი და ღია ყავისფერი პომადები მოუხდებათ.

შავგრემან მანდილოსნებს, მუქი ფერის თვალებით და მუქი ფერის კანით – ქლიავისფერი, შოკოლადისფერი, ნარინჯისფერი და მუქი წითელი ფერის პომადა უხდებათ.

პომადის შერჩევისას არსებობს კიდევ ერთი, ძალიან მნიშვნელოვანი ფაქტორი – კბილების ფერი. მოყვითალო კბილებთან დაუშვებელია იასამნისფერის ნებისმიერი ტონალობა, ყავისფერი და მუქი წითელი ფერის პომადა. უმჯობესია მონარინჯისფრო ტონალობები, ღია წითელი და ნატურალური ვარდისფერის ტარება.

ალბათ, ბევრ მანდილოსანს აინტერესებს თხელ ტუჩებს როგორი პომადა შვენის –აუცილებლად ღია ფერის პომადები უნდა ატაროთ. თუ გინდათ, რომ ტუჩები ვიზუალურად უფრო დიდი გამოჩნდეს, არავითარ შემთხვევაში არ გადაახატოთ ზემოდან დამატებითი კონტური. ფანქრის კონტური ზუსტად უნდა იმეორებდეს ტუჩის ბუნებრივ კონტურს და ფანქრის ფერიც პომადის ფერს უნდა ემთხვეოდეს. პომადა წაისვით ფუნჯით და ტუჩების ცენტრი ე.წ. ბლესკით გამოყეთ.

პომადის შერჩევისას დიდი მნიშვნელობა აქვს ქალის ასაკს. ალბათ ყველა ჩვენგანის ნაცნობებში მოიძებნება ერთი ხანშიშესული ქალბატონი, შავად შეღებილი თვალწარბით და მყვირალა სტაფილოსფერი ან წითელი პომადით, რომელთან შეხვედრაც ჩვენს ლოყაზე პომადის წარუშლელ კვალს ტოვებს. იმისათვის, რომ ხანშიშესული ქალბატონის მაკიაჟი ზედმეტად გამომწვევი და მყვირალა არ იყოს, მან მუქი ფერის პომადა უნდა წაისვას, ამასთანავე მიიჩნევა, რომ ღია და რბილი ფერის პომადები სახეზე არსებულ ნაოჭებს ნაკლებად უსვამს ხაზს.

Read more »

ბლინი შოკოლადით

ბლინები ყველაზე მარტივი დასამზადებელი და ყველასათვის საყვარელი ცომეულის ნაწარმია. გარდა ტრადიციული არაჟნიანი ბლინებისა, მათი მომზადება სხვადასხვა მეთოდით შეიძლება.

უპირველეს ყოვლისა, უნდა მოამზადოთ ბლინი, მის დასამზადებლად დაგჭიდებათ: პურის ფქვილი, თბილი წყალი, დროჟი, შაქარი, ცოტა რძე ან მაწონი, 1-2 ცალი კვერცხი და 1 ს/კ ზეთი. ეს ყველაფერი ერთმანეთში აურიეთ ისე, რომ არაჟნის სისქის მასა მიიღოთ, შემდეგ ზეთიან ტაფაზე დაასხით _ გადაანაწილეთ ერთ სისქეზე და ორივე მხრიდან შეწვით მანამ, სანამ ოქროსფერს არ მიიღებს.

ცხელი ბლინის შუაგულში სუფრის კოვზით მოათავსეთ ნუთელა (შოკოლადის პასტა) ან რომელიმე ნაყინი, ხილის ჯემი ან ბანანი. შემდეგ ბლინები დაგორგლეთ და ბოლოებიც მოუკეცეთ, ფორმა რომ არ დაკარგოს, შიგ ხის ჩხირები ჩაარჭეთ, რომლებზეც რომელიმე ხილის ნაჭერი იქნება წამოცმული.

გემრიელად მიირთვით!

Read more »

როგორ გადავეჩვიოთ ფრჩხილების კვნეტას

ამ მავნე ჩვევის მიზეზად, ძირითადად, სტრესია მიჩნეული და იგი ყველა ასაკის ადამიანში ვლინდება.

რჩევები მათთვის, ვისაც ფრჩხილების კვნეტაზე თავის დანებება სურს, სხვადასხვა ინტერნეტფორუმზე დავძებნე.

თითებზე წაისვით წითელი პილპილი (თუკი ამ ხერხის გამოყენებას ბავშვთან აპირებთ, უმჯობესია მან პილპილის წასმის პროცესი ვერ შეამჩნიოს) _ მაშინ, როცა თითს პირთან მიიტანთ, პილპილი შეგახსენებთ, რომ თქვენ ამ ჩვევაზე თავის დანებებას აპირებთ. ასევე ამ ჩვევისგან თავის დანებებაში ფრჩხილებზე იოდის ან ე.წ. გარჩიცის წასმაც დაგეხმარებათ. და თუ "მოღალატე" ხელი მაინც გაიწვეს კბილებისკენ, შეგიძლიათ კიდევ ერთი ხერხი მოსინჯოთ_ ფრჩხილებით მოფრჩხვენით სარეცხი საპონი, დარწმუნებული ვარ, საპნის გემო არავის გესიამოვნებათ.

ქალებმა, კვირაში ერთხელ მაინც წაისვით ძვირფასი ლაქი, რაც შეიძლება რთული ორნამენტით _ სხვა თუ არაფერი, უბრალოდ, დაგენანებათ მისი გაფუჭება.

ხშირად მოკლე ფრჩხილები უფრო "მადისაღმძვრელად" გამოიყურება, ვიდრე _ გრძელი. სწორედ ამიტომ ფრჩხილისმკვნეტელებისთვის რეკომენდებულია დასაწებებელი ფრჩხილების ტარება, მანამ, სანამ საკუთარი არ გაეზრდებათ _ პლასტმასის ფრჩხილების ტარებისას მავნე ჩვევას ნელ-ნელა დაივიწყებთ და მერე, რა თქმა უნდა, ძალიან დაგენანებათ გაზრდილი ფრჩხილის გაფუჭება.

კიდევ ერთი, საკმაოდ გავრცელებული ხერხია უფერული, მწარე ლაქის გამოყენება, ბათუმში მისი შეძენა მხოლოდ კოსტავას ქუჩის 7 ნომერში მდებარე ICI PARIS-ს მაღაზიაშია შესაძლებელი. მაღაზიის გამყიდველის, ალისა ბაკურიძის თქმით, ამ დროს МАВАЛА STOP-ის ლაქი ძალიან ეფექტურია, იგი სავსებით უსაფრთხოა და იმდენად მწარეა, რომ მისი შეჭმა შეუძლებელია. ამ ლაქის გამოყენება შეუძლიათ როგორც გოგონებს, ისე ბიჭებს. გოგონებს მისი ფერად ლაქზე გადასმაც შეუძლიათ. МАВАЛА ლაქის ღირებულება 14 ლარს შეადგენს.

როგორც უკვე ითქვა, ფრჩხილების კვნეტის უმთავრეს მიზეზად სტრესია მიჩნეული, ამიტომ ეცადეთ, მეტი ყურადღება დაუთმოთ დასვენებას. სტრესულ სიტუაციებში სავალდებულო არაა "საკუთარი თავის ჭამა" დაიწყოთ, ეცადეთ, ამ დროს ხელები რაიმე სხვა საქმით დააკავოთ და ბოლოს, აუცილებლად გააფრთხილეთ მეგობრები _ როცა "ბოროტ განზრახვას" შეგამჩნევენ, ხელზე მწარედ მიგარტყან, იქნებ, რეფლექსებმა მაინც ქნან თავისი.

Read more »

იოგა ყველა პრობლემის წინააღმდეგ

იოგა ვარჯიშთა ერთობლიობას გულისხმობს, რომელიც სულიერ და ფიზიკურ პრაქტიკას აერთიანებს. იოგა ეხმარება ადამიანს ძალების აღდგენაში, კარგი ფიზიკური ფორმის შენარჩუნებაში, დაღლილობის მოხსნასა და სტრესისაგან განტვირთვაში, სიმშვიდესთან ერთად გემატება საკუთარი თავის რწმენაც და ჯანმრთელობის მაჩვენებელი საგრძნობლად უმჯობესდება.

ზაზა ჩახალაშვილი უკვე 14 წელია ბუდიზმითაა დაინტერესებული და მიიჩნევს, რომ იოგა შესანიშნავი მეთოდია სხვადასხვა დაავადების სამკურნალოდ.

იოგას ერთ-ერთი ძირითადი საფეხურია ასანა (სხეულის სტატიკური მდგომარეობა) _ კონკრეტული ასანა, კონკრეტული ორგანოს მკურნალობისკენაა მიმართული. უშუალოდ მკურნალობა კი შემდეგი სახით მიმდინარეობს _ თუ გაწუხებს ღვიძლი, უნდა გააკეთო სპეციალური ღვიძლის ასანა და ამ დროს უნდა წარმოიდგინო, შენი ღვიძლი _ არა ისე, რა მდგომარეობაშიც იგი რეალურად იმყოფება, არამედ ჯანმრთელი _ ისეთი, როგორიც გინდა რომ იყოს, ამ დროს უნდა შთააგონო თავს, რომ შენი ღვიძლი არის ჯანმრთელი.

"როცა ადამიანს ნელ-ნელა უყალიბდება რაიმე დაავადება, ორგანიზმი მას ეჩვევა და იგი თითქმის ფარულად მიმდინარეობს, კონკრეტული ასანის მიღებისას დაავადებას ეძლევა საშუალება, გააღვივოს ტკივილი მაქსიმალურ დონეზე, რომ ორგანიზმმა დაინახოს, თუ რა ჭირს მას და შემდეგ უკვე დაიწყოს მისი მკურნალობა. იოგა ფიზიკურ და სულიერ კავშირზეა დამყარებული, ამიტომ გონებაში მუდამ უნდა ატრიალო აზრი, რომ შენი ღვიძლი ჯანმრთელია", _ ამბობს ზაზა.

არსებობს უნივერსალური ასანები, მაგალითად, ლოტოსი. ძალიან პოპულარულია ლოტოსის პოზა მედიტაციისთვის. მედიტაცია საკუთარ თავში ჩაღრმავებას ნიშნავს, ესაა თქვენი ცნობიერებისა და სხეულის დიალოგი უჯრედულ დონეზე. იგი დაგეხმარებათ აგრესიის, შიშისა და დეპრესიული მდგომარეობისგან განთავისუფლებაში, შეგმატებთ ძალებს და დაგეხმარებათ, სრული ჰარმონიის მიღწევაში. მედიტაციისას მთავარია ყურადღების კონცენტრაცია ერთ კონკრეტულ საკითხზე, ამაში კი სუნთქვა გეხმარებათ. "თუ შეატყვეთ, რომ აზრი გეფანტებათ და ერთ პოზაში ვეღარ ჩერდებით, ყურადღება სუნთქვაზე გადაიტანეთ" _ გვირჩევს ზაზა.

საინტერესოა მოსაზრება ადამიანის კვების შესახებ, იოგის მიხედვით მიიჩნევა, რომ საკვები დიდ ზეგავლენას ახდენს როგორც ადამიანის ჯანმრთელობაზე, ისე მის ემოციურ მდგომარეობაზეც. ადამიანი საკვებთან ერთად იღებს მის ბიოველსაც (ენერგიას), ამიტომაც, იოგის წესების მიხედვით, სასურველია მაქსიმალურად შეამციროთ ხორცის მიღება _ "ცხოველი მკვლელობისას იღებს სტრესს და მისი ხორცის ჭამისას სტრესული მდგომარეობა შენზეც გადმოდის".

თუ იოგათი დაინტერესდით, შეგიძლიათ ონლაინლიტერატურით ისარგებლოთ: www.ioga.ge, www.chasyori.ru, www.sundha.com _ ამ საიტებზე გაეცნობით კონკრეტული ასანას სხვადასხვა საინტერესო დეტალს, მაგალითად იმას, რომ არ ღირს ასანის გაკეთება ახალგაღვიძებულზე ან ძილის წინ, ისინი ყოველთვის მშიერმა უნდა გააკეთო ან საკვების მიღებიდან ოთხი საათის შემდეგ.

იოგის გეკვეთილების ლინკები, დამწყებებისთვის:

http://skillopedia.ru/material.php?id=1470

Read more »

როგორ გახდე "მაგარი როჟა"

ახალგაზრდები ხშირად ცდილობენ, სხვებს მოაჩვენონ თავი, თითქოსდა ძალიან ნაკითხი და საერთოდ, "მაგარი როჟები" არიან. ზოგჯერ მართლაც ძალიან რთულია კარგი შთაბეჭდილება მოახდინო საზოგადოებაზე, მაგრამ არანაკლებ რთულია თავის ამგვარად მოჩვენება. უმჯობესია, რაღაც ფრაზებისა და თითო-ოროლა იაპონელი რეჟისორის დაზეპირების მაგივრად, მართლა დაიწყო საკუთარ თავზე მუშაობა, მიზნის მიღწევაში კი შემდეგი რჩევები დაგეხმარება.

დაივიწყე ის დრო, როცა "მაგარი ბიჭები" "კაროჩეთი" ლაპარაკობდნენ, დღეს ამით ვერავის მოხიბლავ. უპირველეს ყოვლისა, იმუშავე საკუთარ მეტყველებაზე. რაც არ უნდა საინტერესო თემაზე საუბრობდე, თუ გამართულად და სწორად არ მეტყველებ, არავინ მოგისმენს და ვერც ვერავის დაარწმუნებ იმაში, რომ შენი მოსმენა ღირს.

რთულია იმ წიგნებსა და ფილმებზე საუბარი, რომლებიც თვალით არ გაქვს ნანახი, ამიტომ გამონახე დრო და აუცილებლად წაიკითხე რამდენიმე კარგი, ცნობილი ავტორის წიგნი. არც ფილმების შერჩევა არის დიდი სირთულე, აირჩიე რამდენიმე კარგი რეჟისორი (ვთქვათ, ჯიმი ჯარმუში, რომან პოლანსკი, ემირ კუსტურიცა) და მათი ფილმები ნახე. ეს პროცესი დაუსრულებლად უნდა გრძელდებოდეს _ შენ თანამედროვე ცხოვრებასთან ერთად უნდა ვითარდებოდე და მოგწონს თუ არა თანამედროვე ხელოვნება, მაინც უნდა იცნობდე მას, თუნდაც იმტომ, რომ კითხვაზე "რატომ არ მოგწონს კოელიო?!" ნორმალური პასუხი გქონდეს და არა "არც მაინტერესებს".

ყოველთვის ეცადე, შეინარჩუნო სიმშვიდე და არასდროს იკამათო იმაზე, რაშიც არ ხარ დარწმუნებული და, საერთოდ, შენი საუბარი იმდენად სანდო და დამაჯერებელი უნდა იყოს, რომ რაიმეს მტკიცება არ მოგიწიოს.

თავი აარიდე ყველანაირ "პაპსას" _ ის, რასაც ირჩევს მასები, შენთვის არ არის. ნუ ჩაიცმევ იმას, რაც ყველას აცვია, ნუ მოუსმენ იმას, რასაც ყველა რადიოტალღ ატრიალებს; ეცადე, ყველაფერში მაქსიმალურად შეინარჩუნო ინდივიდუალობა.

ჰოდა თუ ეს ყველაფერი შენში არ ზის, სხვისი გულის მოსაგებად თამაში, უნდა შეწყვიტო. მთავარია, საკუთარ თავში იყო დარწმუნებული და საკუთარი ძალების გჯეროდეს, დანარჩენი თავისით მოგვარდება.

Read more »

დრედი

ბევრს დრედი თმის მოდური ვარცხნილობა ჰგონია, რომელიც დიზაინერის ფანტაზიის ნაყოფია. სინამდვილეში კი დრედი, უბრალოდ, თმის მდგომარეობაა მას შემდეგ, რაც იგი არ დაუვარცხნიათ და არ შეუჭრიათ.

დრედი საკმაოდ პრაქტიკული ვარცხნილობაა, რადგან მას არ სჭირდება ხშირი დაბანა და დავარცხნა, თანაც იგი თითქმის ყველას უხდება.

დრედის გაკეთება არც ისე რთული საქმეა, თუ კარგი მოთმინების უნარი გაქვთ. აი, მათი გაკეთების საიდუმლოც:

თმები დაანაწილეთ დაახლოებით საჩვენებელი თითის სისქეზე (დრედებიც ამ ზომისა გამოვა), შემდეგ თითოეული დანაწევრებული თმის კუდი შეკარით რეზინით. აიღეთ თმის ერთი ნაწილი და რკინის სავარცხლით (შესაძლოა ჩანგლითაც) ნელა და ნაწილ-ნაწილ, უხეშად აჩეჩეთ თმის ზრდის საპირისპიროდ, ისე რომ სრულიად აბურდული მასა მიიღოთ, რომლის დავარცხნაც შეუძლებელი იქნება. თმები მთლიან სიგრძეზე უნდა იყოს აბურდული, განსაკუთრებით კი ძირებში, ამის შემდეგ იწყება უშუალოდ დრედის დახვევა, დრედის სპირალისებურად დახვევისას საგულდაგულოდ წაუსვით მას სანთელი ან კარგი ხარისხის თაფლი (იგი მალე გაშრება და გარკვეული დროის შემდეგ აღარ დაგწეპავთ). მთავარია, ზედმეტი არ მოგივიდეთ. იგივე პროცედურა ჩაიტარეთ თმის დანარჩენ ნაწილზეც.

დრედების დაწნა კეფიდან დაიწყეთ, დანარჩენი თმები კი უბრალო რეზინებით ან სხვა სახის თმის სამაგრებლებით დაამაგრეთ, ხელი რომ არ შეგიშალოთ მუშაობაში.

დრედების შესანარჩუნებლად თმებს გამუდმებით უნდა აიძულოთ, გაიზარდონ ისე, როგორც თქვენ გინდათ, ანუ დრედების გაკეთება გრძელვადიანი პროცესია, თუმცა არა უსასრულო. ბოლოს უკვე თქვენი თმები თავისით გაიზრდება დრედებად.

ახლა დრედებთან დაკავშირებული რამდენიმე უსიამოვნო ფაქტის შესახებ:

დრედების დაშლა შეუძლებელია, თუ მათი მოშორება განიზრახეთ, ისინი უბრალოდ უნდა მოიჭრათ. კიდევ ერთი არანაკლები უსიამოვნება ის გახლავთ, რომ მათი გაკეთებიდან თავის დაბანა მინიმუმ ორ კვირას არ შეიძლება.

საერთოდ, დრედების მოვლა არც ძალიან რთული საქმეა და არც ძალიან მარტივი, დრედებმა ფორმა რომ არ დაკარგონ, კვირაში სამჯერ მაინც უნდა გასანთლოთ ისინი, იგივე უნდა გააკეთოთ ყოველი დაბანის შემდეგ.

ყურადღება მიაქციეთ საერთოდ სისუფთავეს, თავში თუ მავნე მწერები ჩაგიბუდდათ, მერე ვერაფერი გიშველით. ასე რომ, ხშირად ატარეთ ქუდი _ ბუნებაში გასეირნებისას ან ისეთ ადგილებში მოხვედრისას, სადაც სპეციფიკური სუნია, დრედი ადვილად ისრუტავს სუნს და შემდეგ მისი მოშორება ძნელია.

მეტი თვალსაჩინოებისთვის შეგიძლიათ იხილოთ შემდეგი ლინკები:

დრედის გაკეთების კიდევ ერთი მარტივი საშუალება არსებობს, რომელსაც თაფლი და სხვა მწებავი მასების გამოყენება არ ჭირდება, თუმცა ასეთი დრედები, ცოტათი უფრო "დაბალი ხარისხისაა" ვიდრე ტრადიციული წესით დამზადებულისა... აი მათი დამზადების ვიდეოც:

Read more »

ორიგინალური სანიშნე

ნათქვამია წიგნი ყდით არ უნდა შეაფასოო, თუმცა ამას თითქმის არავინ ითვალისწინებს და ყოველთვის გარეგნულად ლამაზი და საინტერესოდ გაფორმებული წიგნი უფრო დიდ ინტერესს იწვევს ჩვენში, ვიდრე უბრალო გარეგნობის წიგნი, თუნდაც ყველაზე საინტერესო და დამაინტრიგებელი სათაურით.

იმისათვის, რომ თქვენი წიგნები თაროზე მიმზიდველად გამოიყურებოდნენ, შეგიძლიათ მათთვის ძალიან საინტერესო სანიშნეები გააკეთოთ.

წიგნის სანიშნედ გამოდგება დეკორაციული ყვავილების ბალახისებრი ფოთლები, შეკარით სხვადასხვა ზომის ბალახი და ჩადეთ წიგნში. არანაკლებ საინტერესო და მიმზიდველი იქნება შავი ან სხვა მუქი ფერის სქელი ფურცლისგან გამოჭრილი ცხოველები _ ზოგიერთი მათგანი წიგნს გვერდიდან ჩაუდეთ, ზოგიერთიც კი ჩვეულებრივად ვერტიკალურად...

მართალია, ერთი შეხედვით ეს ყველაფერი უმნიშვნელო დეტალია, მაგრამ დამიჯერეთ, მსგავსი “დეკორაციული სატყუარები” უფრო გაგიხალისებენ წიგნის იდუმალ სამყაროში მოგზაურობას და ბავშვებიც პატარაობიდან მიეჩვევიან წიგნისადმი სიყვარულს.

აი, კიდევ რამოდენიმე შესანიშნავი იდეა, რომლებიც ინტერნეტით ვიპოვე და რომელთა გამოყენება თქვენც მარტივად შეგიძლიათ :

Read more »