დიეტოლოგი გირჩევთ

ყველა ადამიანს სურს, მოხდენილად და ლამაზად გამოიყურებოდეს. ამიტომ ბევრი ჩვენგანი წონაში დაკლების მიზნით დიეტას იცავს, თუმცა ხშირად უშედეგოდ. ამის ერთ-ერთი მიზეზი არის ისიც, რომ დიეტა ინდივიდუალურია და ყველა ორგანიზმზე ერთნაირად არ მოქმედებს. თუ გსურთ წონაში დაიკლოთ, დიეტოლოგს უნდა მიმართოთ. იგი გირჩევთ სპეციალურად თქვენი ორგანიზმისთვის შესაფერის დიეტას.

წონაში დასაკლებად ან სასურველი ფორმის შესანარჩუნებლად არსებობს ასევე სხვა საშუალებებიც. გამაჯანსაღებელ კომპლექს “მარინას” ფიტნესკლუბის ტრენერი, მარინა მხატვარი გვირჩევს: “სასურველი წონის შენარჩუნებისთვის აუცილებელია სწორი კვება. რაციონში უნდა შეზღუდოთ პური და ტკბილეული, უნდა მიირთვათ ბევრი ხილი, ბოსტნეული და ახალდაწურული ნატურალური წვენები, დღის განმავლობაში უნდა მიიღოთ ორი-სამი ლიტრი სითხე, სასურველია უგაზო, მინერალური წყალი”.

კვების რეჟიმის გარდა მნიშვნელოვანია ფიზიკური ვარჯიშებიც. მარინა მხატვარი გირჩევთ, დღის განმავლობაში მინიმუმ სამი კილომეტრის გავლას. ამას ადვილად მოახერხებთ, თუ სამსახურში, სასწავლებელში და ა.შ. ფეხით წახვალთ და სახლში დაბრუნებისასაც გაისეირნებთ.

რაც შეეხება დღესდღეობით ყველაზე აქტუალურ პრობლემას _ ცხიმს წელის გარშემო, მისი მოცილების საუკეთესო გზა მუცლის პრესებია. დაწექით ზურგზე და ფეხები მოხარეთ, ხელები კი თავს უკან შემოიდეთ, ისე რომ იდაყვები განზე გაწეული იყოს. სხეულის ზედა ნაწილით ნელ-ნელა წამოიწიეთ და შემდეგ დაუბრუნდით საწყის მდგომარეობას. პრესების გაკეთებისას ნუ წამოწვებით. ვარჯიში გაიმეორეთ იმდენჯერ, რამდენჯერაც შეძლებთ, პრესების რაოდენობა ყოველდღიურად გაზარდეთ.

მარინა მხატვარი: “სასურველი ეფექტის მისაღებად დილით ისეირნეთ, საღამოს 5 საათის შემდეგ კი ივარჯიშეთ პრესებით”.